Energııa óndiretin uıymdarǵa jelilerdi óz esebinen jańǵyrtý mindetteledi

ASTANA. QazAqparat – QR Premer-mınıstri Álıhan Smaıylov Úkimettiń energııa óndirýshi uıymdardyń mindettemelerin engizý týraly josparlary týraly aıtty, dep habarlaıdy QazAqparat tilshisi.

«Energetıka mınıstrligi energııa óndirýshi uıymdardyń ınfraqurylymdy óz qarajatyna jańǵyrtý jónindegi qarsy mindettemelerin engizýdi, sonymen birge, elektr qýaty naryǵynda qarajattyń maqsatty jumsalýyna baqylaý engizýdi josparlap otyr», - dedi Álıhan Smaıylov depýtattyq saýalǵa bergen jaýabynda.

https://www.parlam.kz/ru/mazhilis/question-details/18990

Onyń aıtýynsha, qazirgi ýaqytta energııa óndirýshi uıymdarmen jyl saıynǵy ınvestıtsııalardy qaıtarýdyń jalpy 32 mlrd teńge bolatyn ınvestıtsııalyq kelisimderi aıasynda 11 joba (Atyraý, Shyǵys Qazaqstan, Aqtóbe, Qaraǵandy, Pavlodar jáne basqa oblystarda) iske asyrylýda.

«Josparlanǵan jobalardy iske asyrý 2027 jylǵa deıin jalpy qýaty 1 600 MVt-tan asatyn generatsııalanatyn qýatty engizýge múmkindik beredi. Qýat kózderiniń tozýyn 15%-ǵa tómendetý maqsatynda 2035 jylǵa qaraı ınvestıtsııalyq kelisimder boıynsha jyl saıynǵy ınvestıtsııalardy qaıtarý lımıtin jylyna 132 mlrd teńgege deıin ulǵaıtý talap etiledi», - dep tolyqtyrdy Premer.