Energetıkter kúni mártebesin ózgertý bastamasy kelisimnen ótip jatyr
ASTANA. KAZINFORM — Energetıkterdiń kásibı merekesiniń mártebesine qatysty tıisti buıyryq jobasy qaralyp jatyr. Bul týraly Eńbek jáne halyqty áleýmettik qorǵaý vıtse-mınıstri Asqar Bıahmetov málim etti.
Búgin Úkimet otyrysynan keıingi baspasóz máslıhatynda energetıkterdiń kásibı merekesine oraı resmı mártebeni belgileý usynysyna qatysty suraq qoıyldy.
— Qazirgi kezde energetık kúni boıynsha tıisti usynys qaralyp jatyr, ıaǵnı tıisti buıryqqa qatysty jumystar pysyqtalady. Buıryq jobasy Ádilet mınıstrliginde kelisý satysynda. Jaqyn arada kelisim bolsa, 22 jeltoqsanǵa osy datany — Energetık kúnin bekitemiz, — dedi Asqar Bıahmetov.
Budan buryn habarlanǵandaı, búgin Úkimet otyrysynda eńbek naryǵyn damytý taqyryby qaraldy. Premer-mınıstr Oljas Bektenov jas mamandardy jumysqa ornalastyrýǵa basa nazar aýdarýdy tapsyrdy.