Energetıkalyq sýsyndardan qaýipti konservanttar tabyldy - komıtet
Atalǵan komıtet Qostanaı oblysynyń saýda jelisinde satylatyn ónimderdiń qaýipsizdigin monıtorıngteý qorytyndysy boıynsha «Kofeınmen jáne taýrınmen Flash up energy» (163,3 mg/l) jáne «Monster Energy» (173,72 mg/l) alkogolsiz energetıkalyq gazdalǵan sýsyndardaǵy natrıı benzoatynyń (E211) artqanyn anyqtady.
Sýsyndardy óndirýshiler «Baltıka» «Syraqaınatý kompanııasy» JShQ (Reseı Federatsııasy) jáne «Refresco Benelux B.V» (Nıderlandy Koroldigi) kompanııasy bolyp tabylady. Azyq-túlikti uzaq ýaqyt saqtaý úshin, taǵamdyq qospalar konservanttar retinde qoldanylady. Ónimder partııasy satylymnan shyǵaryldy, al jetkizýshige ishimdikterdi satý aınalymynan alyp tastaý boıynsha sharalar qabyldaý tapsyryldy. Júktilik kezinde quramynda natrıı benzoaty bar taǵamdar men sýsyndardy qoldaný usynylmaıdy, óıtkeni bul zat allergııalyq reaktsııalar týdyrýy múmkin. Keıbir adamdarda konservanttyń artyq bolýy lokalızatsııalanǵan qyshý, jótel, qyzarý, bórtpe, isiný sııaqty jeńil belgilerdi týdyrýy múmkin. Natrıı benzoaty organızmde jınalýy múmkin, bul ózdiginen qaýipti. Bul ásirese jasóspirimderge qatysty.
Komıtet Reseıdiń «Tutynýshylardyń quqyqtaryn qorǵaý jáne adamnyń ál-aýqatyn baqylaý qyzmetine» (Rospotrebnadzor) osy óndirýshilerdiń ónimderin zerthanalyq kúsheıtilgen baqylaýǵa alý týraly habarlama jiberdi.
