Energetıkalyq sýsyndar qan qysymyn kóteredi
ASTANA. 24 naýryz. QazAqparat - Energetıkalyq sýsyndar qan qysymyn joǵarylatyp, júrektiń qalypty yrǵaǵyn buzýy múmkin. Bul týraly Stoktondaǵy Tynyq muhıttyq ýnıversıtettiń qyzmetkerleri Amerıkandyq kardıologııalyq qaýymdastyqtyń ǵylymı konferentsııasy barysynda málimdedi, dep habarlaıdy RBK.
Mamandar júrek densaýlyǵyna energetıkalyq sýsyndardyń áserin anyqtaý úshin buǵan deıin jarııalanǵan jeti zertteýdiń málimetterin taldady.
Zertteý barysynda eriktilerdiń arterııalyq qysymy joǵarǵy kórsetkishi ortasha eseppen alǵanda synap baǵanasy boıynsha 3,5 mm-ge óskeni anyqtaldy.
«Joǵary arterııa qysymy bar nemese QT sozylmaly ınterval sındromymen aýyratyn naýqastar energetıkalyq sýsyndardy ishpes buryn oılanǵany jáne abaı bolǵany jón. Óıtkeni onyń quramynda kofeın bolady, joǵary arterııa qysymynyń paıda bolý qaýpi bar»,- dep atap ótti mamandar.
