Energetıkalyq shıkizatty ıgerý úshin jańa ǵylymı jetilgen tásilder qajet - B. Jumaǵulov
ASTANA. QazAqparat - Qazaqstan úshin energetıkalyq shıkizatty ıgerý boıynsha jańa ǵylymı jetilgen tásilder qajet.
Búgin Astanada ótip jatqan «KAZENERGY-2015» onynshy Eýrazııalyq forýmy barysynda QR Ulttyq ınjenerlik akademııasynyń prezıdenti Baqytjan Jumaǵulov osyndaı pikir bildirdi. Forým aıasynda «Eýrazııa óńirindegi energııa qaýipsizdigi: jańa yntymaqtastyq mehanızmi» taqyrybynda konferentsııa ótip jatyr.
«Energetıka salasynyń ǵylymı jáne ınjenerlik áleýetpen qamtymdylyǵyna basa nazar aýdarý qajet etiledi. Bul ásirese osy saladaǵy básekelestiktiń qatań artýyna jáne energetıkalyq resýrstardy óndirýdiń kúrdelene, qıyndaı túsýine baılanysty onan saıyn ózekti bolyp otyr», -dedi Baqytjan Jumagulov konferentsııa barysyndaǵy sózinde.
Onyń aıtýynsha, búgingi tańda energetıkalyq shıkizatty óndirýge jańa ǵylymı tásilder, tasymaldardyń, óńdeý men óndirýdiń jańa tehnologııalary, sonymen birge, jańa býyndy kadrlar áleýeti barynsha qajet.
«Ǵylym men ınjenerlik oılaý máselesin, árıne, bári usynǵysy keledi. Sonymen qosa, men bul jaıtty qandaı da bir jalpylama dolbarǵa salyp aıtyp otyrǵan joqpyn, dál osy salamen tikeleı aınalysatyn ǵalym retinde kóterip otyrmyn», - dedi B. Jumaǵulov.
