Energetıkalyq sýsynǵa táýeldilikten qalaı qutylýǵa bolady — dáriger keńesi

ASTANA. KAZINFORM — Kazinform agenttiginiń «Bizdiń orta» atty podkastynda elimizde 21 jasqa tolmaǵan jasóspirimder men jastarǵa energetıkalyq sýsyn satýǵa tyıym salý máseleleri talqylandy.

Áńgime barysynda dáriger Dinmuhammed Baqtııarulynan energetıkalyq sýsynǵa táýeldilikpen kúres týraly suraǵan edik.

— Organızmge úsh-aq nárse kerek — uıqy, durys tamaqtaný jáne fızıkalyq belsendilik. Eger osylardy durys paıdalanǵan jaǵdaıda, adamdar artyq eshteńe qajet epteıdi. Men qazir mektep jasyndaǵy balalarǵa jynystyq saýattylyq boıynsha lektsııalar, sabaq ótemin. Jynystyq jetilý kezindegi mańyzdy jaıttardy aıtamyn, onyń ishinde uıqynyń mańyzdylyǵy bar. Kúndelikti ómirimizdiń 8 saǵatyn uıqymen ótkizemiz, demek 60 jyl jasasaq, 20 jylymyz uıqymen ketedi, bul biz úshin mańyzdy, óıtkeni organızm qalpyna kelýi kerek. Túnde saǵat 22:00–de uıyqtaý kerek dep aıtady, biraq telefon qaraıdy, basqa nárseler jasaıdy, sóıtip túngi saǵat 2-3-te uıyqtaıdy da 8 saǵatyn toltyrady, ol durys uıqy emes. Óıtkeni, organızmde belgili bir ýaqytta bólinetin garmondar bar, onyń ústine jasóspirimder úshin mańyzdy, — dedi Dinmuhammed Baqtııaruly áńgime barysynda.

Mamannyń aıtýynsha, jasóspirimniń jetilýinde ósý garmony mańyzdy ári basty ról atqarady. 

— Osy ýaqytta uıqy durys emes bolsa, boıdyń ósýi, salmaqtyń jınalýy boıynsha problemalar týyndaıdy. Bizde tańǵa jaqyn kortızol gormony ósedi, ol kúızelis gormony ol da organızmniń ósýine keri áser etedi. Ony basý úshin salqyn sýmen shaıynýǵa bolady, ol energetıkalyq sýsynnyń ornyn basady jáne paıdaly. Barlyq rıtmdi rettep otyrǵanda ǵana organızmge syrttan eshteńe kerek emes. Durys tamaqtaný da mańyzdy, energetıkten bólek bizde iship-jeıtin as kóp. Býrgerdiń quramy qant pen kómirsý. Kómirsýlar organızmdi artyq salmaqqa alyp keledi, artyq salmaq qysymnyń kóterilýine, testosteronnyń tómendeýine, uıqynyń qanbaýyna, jumys isteýge nıettiń bolmaýyna alyp keledi. Odan keıin fızıkalyq qozǵalys, adam aptasyna 150 mınýt aerobıkalyq jattyǵýlar, 2 ret kúsh jattyǵýlaryn jasap turýy tıis, bul baza, — deıdi ol. 

Dáriger keltirgen zertteýlerge súıensek, jasóspirimderdiń 80%, eresekterdiń 46% atalǵan bazalyq jattyǵýlardy jasamaıdy.

Budan buryn jasóspirim apparattan energetıkalyq sýsyn satyp alsa, jaýapkershilik kimge júkteletini anyqtaldy.