Energetıkalyq sýsyndardy satýǵa lıtsenzııa berý kerek pe — zańger pikiri

ASTANA. KAZINFORM — Kazinform agenttiginiń «Bizdiń orta» atty podkastynda elimizde 21 jasqa tolmaǵan jasóspirimder men jastarǵa energetıkalyq sýsyn satýǵa tyıym salý máseleleri talqylandy.

Газды сусын
Фото: Pyxabay.com

Stýdııa qonaǵy zańger Arjan Sádýaqas energetıkalyq sýsyndardy satýǵa ruqsat beretin lıtsenzııa engizý múmkindigine qatysty pikir bildirdi.

— Lıtsenzııa engizýge bolady, biraq ártúrli salalarǵa tym kóp lıtsenzııa berý tıimsizdikke alyp kelýi múmkin. Sol sebepten qaraıdy, qandaı nársege lıtsenzııa berý kerek, temekige aktsızder bar. Bul jerde energetıkalyq sýsyndarǵa aktsız joq, sol sebepten de lıtsenzııa joq shyǵar. Bul jaǵyn oılaný kerek, lıtsenzııa jasóspirimderge energetıkalyq sýsyndy satpaýdan saqtaıdy ma, onyń tıimdiligi qandaı bolady, — dedi Arjan Sádýaqas áńgime barysynda.

Sondaı-aq zańger energetıkalyq sýsyndardy jasóspirimderge (21 jasqa tolmaǵan) satýǵa tyıym salatyn lıtsenzııaǵa qatysty usynys aıtty. 

— Múmkin lıtsenzııany engizip, eger kásipker jasóspirimge satqan bolsa, ol lıtsenzııasynan jarty jylǵa, bir jylǵa nemese máńgige aırylady. Demek onyń dúkeninde eshqashan energetıkalyq sýsyn satylmaý kerek, basqalar sata bersin, — deıdi ol.

Osyǵan deıin jasóspirim apparattan energetıkalyq sýsyn satyp alsa, jaýapkershilik kimge júkteletini aıtyldy.

Сейчас читают