Energetıkalyq sektordaǵy jer qoınaýyn paıdalanýshylardyń otandyq taýarlardy satyp alý kórsetkishi ósti
ASTANA. KAZINFORM — Búgin Úkimet otyrysynda Energetıka mınıstri Erlan Aqkenjenov otandyq óndiristi damytý men qoldaý sharalary jóninde málimdedi.
– Elishilik qundylyqty damytýdyń tıimdi júıesin qurý jónindegi belgilengen mindetter sheńberinde Mınıstrlik kómirsýtekter salasyndaǵy jer qoınaýyn paıdalanýshylardyń taýarlardy, jumystar men kórsetiletin qyzmetterdi satyp alýy kezindegi jergilikti qamtý úlesin ulǵaıtý jáne otandyq óndirýshilerdi qoldaý boıynsha júıeli jumys júrgizip keledi, – dedi ol.
Mınıstr 2026 jyldyń 9 aıynyń qorytyndysy boıynsha statıstıkany usyndy. Atalǵan kezeńde energetıkalyq sektordaǵy jer qoınaýyn paıdalanýshylardyń taýarlardy, jumystar men kórsetiletin qyzmetterdi satyp alý kólemi 3,553 trln teńge boldy. Al 2026 jylǵa bekitilgen jospar – 60,7%. Ázirge elishilik qundylyq bıyl 9 aıda 1,967 mlrd. teńge nemese 55,4% bolyp otyr.
– Bul rette buryn jasalǵan memorandýmdardy, kelisimderdi naqty kelisimsharttarǵa kóshirý boıynsha júrgizilip jatqan jumystar sheńberinde jyl sońyna deıin elshilik qundylyq kórsetkishteriniń 65,5% deıin ulǵaıýy kútiledi, – dedi ol.
Aıta keteıik, buǵan deıin Qazaqstan $1,2 mlrd-tyń energetıkalyq jobalary boıynsha kelisimderge qol qoıǵanyn jazǵanbyz.