Energetıkalyq qadaǵalaý jáne baqylaý komıtetiniń departament basshylary aýysty
ASTANA. KAZINFORM — QR Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń aýmaqtyq departamentteriniń basshylary taǵaıyndaldy, dep habarlaıdy vedomstvonyń baspasóz qyzmeti.
— Qazaqstan Respýblıkasynyń «Memlekettik qyzmet týraly» Zańyna jáne Qazaqstan Respýblıkasy Prezıdentiniń «Memlekettik qyzmettiń keıbir máseleleri týraly» Jarlyǵyna sáıkes 2025 jyldyń 21 qazanynda QR Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń aýmaqtyq departamentteriniń basshylaryn aýystyrý júzege asyryldy, — delingen habarlamada.
Astana qalasy boıynsha
Azamat Qaıratuly Matkenov 1983 jyly Qaraǵandy oblysy Jezqazǵan qalasynda týǵan.
Almaty energetıka jáne baılanys ınstıtýtyn «Injener-elektrık» mamandyǵy boıynsha bitirgen. Eńbek jolyn 2005 jyly bastaǵan.
«KEGOC» AQ-da jáne Atom jáne energetıkalyq qadaǵalaý jáne baqylaý komıteti júıesinde jumys istegen.
2020 jyldyń qarashasynan 2025 jyldyń qazanyna deıin Mańǵystaý oblysy boıynsha Komıtettiń Aýmaqtyq departamentin basqardy.
Aqmola oblysy boıynsha
Erbýlat Negmatuly Bakıshev 1974 jyly Pavlodar qalasynda týǵan.
Pavlodar memlekettik ýnıversıtetin «Elektroenergetıka» jáne Qazaqstan qarjy-ekonomıkalyq ýnıversıtetiniń Pavlodar fılıalyn «Qarjy» mamandyǵy boıynsha bitirdi.
Aımaqtyń ákimshilik apparattarynyń ınjenerinen bastap Pavlodar oblysynyń energetıka basqarmasynyń basshysy laýazymyna deıin qyzmette boldy.
2015 jyldan bastap 2025 jyldyń qazan aıyna deıin Pavlodar oblysy jáne Astana qalasy boıynsha komıtettiń aýmaqtyq departamentterin basqardy.
Shymkent qalasy boıynsha
Dinmuhammed Sermaǵanbetuly Abdyhanov 1993 jyly Ońtústik Qazaqstan oblysy Shardara qalasynda týǵan.
Q.I. Sátpaev atyndaǵy Qazaq ulttyq tehnıkalyq ýnıversıtetin «Elektroenergetıka» mamandyǵy boıynsha bitirdi.
2015 jyldan 2025 jyldyń qazan aıyna deıin QR Energetıka mınıstrliginiń Atom jáne energetıkalyq qadaǵalaý jáne baqylaý komıteti júıesinde jumys istedi, onda ol sarapshy jáne bólim basshysy qyzmetinen bastap Túrkistan oblysy boıynsha aýmaqtyq departament basshysy laýazymyna deıin ósti.
Túrkistan oblysy boıynsha
Erjan Serikuly Nurbekov 1987 jyly Ońtústik Qazaqstan oblysy Shardarın aýdanynda týǵan.
2011 jyly Eskıshehır Osmangazı ýnıversıtetin (Túrkııa) «Injener» mamandyǵy boıynsha, 2013 jyly Kardıff Metropolıten ýnıversıtetin (Ulybrıtanııa Birikken Koroldigi) «Bıznes ákimshiligi» mamandyǵy boıynsha, al 2016 jyly Ońtústik Qazaqstan memlekettik ýnıversıtetin «Elektroenergetıka» mamandyǵy boıynsha bitirdi.
2015-2025 jyldary QR Energetıka mınıstrliginiń Atom jáne energetıkalyq qadaǵalaý jáne baqylaý komıteti júıesinde bas mamandyqtan bastap Shymkent qalasy boıynsha aýmaqtyq departament basshysyna deıin laýazymdardy atqardy.
Budan buryn Ózindik qaýipsizdik departamentiniń bastyǵy taǵaıyndalǵanyn jazdyq.