Energetıka jáne kommýnaldyq sharýashylyq: Ulttyq jobaǵa BJZQ qarajaty da tartylady

ASTANA. KAZINFORM – Premer-mınıstrdiń orynbasary Qanat Bozymbaev energetıkalyq jáne kommýnaldyq ınfraqurylymdy jańǵyrtý baǵdarlamasyna Biryńǵaı jınaqtaýshy zeınetaqy qorynyń qarajaty tartylatynyn aıtty. 

- Baıandamańyzda aıtqandaı, aldaǵy bes jyl ishinde kommýnaldyq jelilerdi jańǵyrtýǵa shamamen 6,8 trln teńge jumsalady eken. Qarjylandyrý kózderi ár jerden bolady. Baıandamańyzdan túsingenimiz, zeınetaqy qoryndaǵy aqsha da tartylady eken. Qandaı somada, - dep surady jýrnalıst.

Vıtse-premer 6,8 trln teńge degen naqty bekitilgen shama emes ekenin. Jaǵdaıǵa baılanysty artýy da, kemýi de múmkin ekenin aıtty. 

- Iá, ár kózden tıisti qarjy tartylady. Sonyń ishinde zeınetaqy qory da bar. Infraqurylym qarjy ózin-ózi aqtaıtyn eń senimdi salalardyń biri bolyp esepteledi. Sondyqtan, ol másele de qarastyrylady. Infraqurylymdy jańǵyrtýǵa naqty qansha qarajat bólinetini birinshi jartyjyldyqta nemese birinshi jartyjyldyqtan keıin, kompanııalar jobalaryn ázirlep bitkennen keıin belgili bolady, - dedi Qanat Bozymbaev.

Atalǵan ulttyq joba 2029 jylǵa deıin iske asyrylady degen esep bar.