Energetıka jáne kommýnaldyq sharýashylyq: Ulttyq joba aıasynda 27 zaýyt salynady
ASTANA. KAZINFORM – Premer-mınıstrdiń orynbasary Qanat Bozymbaev energetıkalyq jáne kommýnaldyq ınfraqurylymdy jańǵyrtý baǵdarlamasyna qaı óndiristiń ónimderi paıdalanylatynyn aıtty.
Vıtse-premerdiń sózinshe, Energetıka jáne kommýnaldyq ınfraqurylymdy jańǵyrtý jónindegi ulttyq joba eki negizgi bloktan turady. Birinshisi — aldaǵy bes jyl ishinde 7 300 megavatqa jýyq qamtamasyz etip, generatsııalaý. Oǵan 6 trln teńgeden astam qarjy jumsalýda. Biz osy ýaqytqa deıin 6,4 trln teńgeni targettep jatyrmyz.
Jobanyń ekinshi bóligi — kommýnaldyq jelilerdi jańǵyrtý. Mundaǵy ınvestıtsııalardyń jalpy somasy shamamen 6,8 trıllıon teńge bolady. 10 paıyz kóleminde qubylýy da múmkin. Ol aqshaǵa 86 myń shaqyrym kommýnaldyq jelini jańartyp, jańǵyrtý jáne damytý qajet.
— Sonymen qatar el ishindegi óndiristiń múmkindikteri barynsha paıdalaný týraly jospar bar. Infraqurylymǵka úlken qarajat salǵandyqtan, offteık-kelisimsharttar aıasynda jumys istep turǵan óndiristerdi 100% júkteýdi kózdep otyrmyz.
Al ózimizde óndirilmeıtin zattarǵa kelsek, olardyń óndirisin da birtindep jolǵa qoıýǵa bolady. Shamamen 27 zaýyt pen fabrıka qurylady dep boljap otyrmyz. Investorlarmen jumys istedik. Olardyń ishinde ózimizdiń jumys istep turǵan kásiporyndar da bar. Olar óz óndirisiniń aıasyn keńeıtýge daıyn. Sondaı-aq sheteldik ınvestorlar da qyzyǵýshylyq tanytyp jatyr. Olardyń ishinde Eýropanyń, Germanııanyń, Túrkııanyń, Reseıdiń jáne Qytaıdyń ınvestorlary bar. Árıne, olardyń bári bizdiń sertıfıkattaý júıelerimiz boıynsha standarttalyp, sertıfıkattalǵan bolýy kerek, — dedi Qanat Bozymbaev.
Atalǵan joba aıasynda ınjenerlik jelilerdi jańǵyrtýǵa 6,8 trln teńge ınvestıtsııa qajet.
Ulttyq ekonomıka vıtse-mınıstri Arman Qasenov atalǵan ulttyq jobaǵa BJZQ qarajatyn paıdalaný týraly sheshim qabyldanǵan kúnniń ózinde qajetti somanyń tórtten biri ǵana paıdalanylatynyn aıtty.
— BJZQ qarajaty jyl saıyn shamamen 4 trln teńgege tolyǵyp otyrady. Al bul ulttyq jobany iske asyrý úshin jylyna shamamen 1,5 trl teńgedeı qarajat ketýi múmkin. Baǵdarlamaǵa BJZQ aqshasy paıdalanylýy da múmkin, almaýymyz da múmkin. Alsaq, qajetti somanyń 25%-yn ǵana ıÝJZQ-dan qarjylandyramyz, - dedi A. Qasenov.