Energetıka vıtse-mınıstri jasandy ıntellekt negizindegi basqarý júıesin usyndy
ASTANA. KAZINFORM – 2026 jylǵy 27 naýryz – Elordada «Digital Qazaqstan» strategııasyna arnalǵan dóńgelek ústelde QR Energetıka vıtse-mınıstri Baqytjan Іlııas otyn-energetıka keshenin (OEK) tsıfrlandyrýdyń keshendi josparyn tanystyrdy. Bul týraly Energetıka mınıstrliginiń baspasóz qyzmeti jazdy.
Vıtse-mınıstrdiń aıtýynsha, salany damytýdyń negizgi baǵyty – jasandy ıntellekt negizindegi biryńǵaı zııatkerlik basqarý júıesine kóshý.
Memleket basshysynyń tapsyrmasyna sáıkes, 2026 jyl elimizde Tsıfrlandyrý jáne jasandy ıntellekt jyly bolyp jarııalandy. Osyǵan oraı, Energetıka mınıstrligi ashyq ári tıimdi energetıkalyq ekojúıe qalyptastyrýǵa baǵyttalǵan basym mindetter keshenin ázirledi.
Elektr energetıkasynyń tsıfrlyq qańqasy
2026 jyly Biryńǵaı energetıkalyq júıe nysandarynyń tsıfrlyq modelderi men «tsıfrlyq egizderi» jasalady. Bul týraly Energetıka vıtse-mınıstri B. Іlııas málimdedi.
– Bizdiń basty maqsat – protsesterdi jaı tsıfrlandyrý emes, energojúıeniń zııatkerlik modelin qurý. Bul jedel basqarý sapasyn arttyryp, naqty derekterge negizdelgen sheshim qabyldaýǵa múmkindik beredi,- deıdi ol.
Sondaı-aq vıtse-mınıstr tsıfrlandyrýdyń strategııalyq mańyzyn da atap ótti.
– Qazirgi jaǵdaıda OEK-ti tsıfrlandyrý – tehnologııalyq tańdaý emes, eldiń energetıkalyq turaqtylyǵyn saqtaý máselesi, - dedi Baqytjan Іlııas.
Mınıstrlik málimetinshe, tikeleı onlaın-monıtorıngti engizý energııa óndirý kólemi men shyǵyndardy naqty ýaqyt rejıminde baqylaýǵa jaǵdaı jasaıdy. Bul óz kezeginde ádil tarıftik saıasat qalyptastyrýǵa jáne maqsatty ınvestıtsııalardy tartýǵa negiz bolady.
Munaı-gaz sektorynyń transformatsııasy
Strategııada munaı-gaz salasyna erekshe nazar aýdarylǵan. Bul baǵytta óndirý jáne qaıta óńdeý nysandarynyń tsıfrlyq egizderin jasaýǵa basymdyq beriledi.
Sonymen qatar munaı men munaı ónimderin uńǵymadan bastap tutynýshyǵa deıin tolyq qadaǵalaý júıe engiziledi. Bul sharalar anomalııalardy, otyn sanattaryn aýystyrýdy jáne kólemderdiń sáıkessizdigin boldyrmaýdy qamtamasyz etedi.
Kıberqaýipsizdik jáne master-jospar
Basqosýda Energetıka vıtse-mınıstri otyn-energetıka keshenin damytýdyń keshendi master-jospary ázirlenip jatqanyn aıtty.
Qujat elektr energetıkasy men munaı-gaz salalarynyń jumysyn boljamdy suranysty eskere otyryp úılestirýge múmkindik beredi. Sonymen qatar, mınıstrlik jasandy ıntellekt sheshimderin engizýmen qatar synı ınfraqurylym nysandaryn qorǵaýdy kúsheıtýde. Bul barlyq OEK obektileriniń kıber-fızıkalyq qaýipsizdigin qamtamasyz etýge baǵyttalǵan.
Aıta keteıik, usynylǵan bastamalar «Digital Qazaqstan» jahandyq strategııasynyń bir bóligi sanalady. Vedomostvo jasandy ıntellekt tehnologııalaryn engizý 2030 jylǵa qaraı eldiń jalpy ishki ónimine 20 mlrd dollarǵa deıin qosymsha úles qosýy múmkin ekendigin alǵa tartady.
Budan buryn elimizde energetıka salasynda 4 myńǵa jýyq maman tapshy ekenin jazǵan edik.
