Energetıka vıtse-mınıstri óndiris nysandaryndaǵy jaǵdaıdy bilý úshin Teńiz ken ornyna bardy

ASTANA. KAZINFORM - Energetıka mınıstri Erlan Aqkenjenovtyń tapsyrmasymen energetıka vıtse-mınıstri Qaıyrhan Tutqyshbaev Teńiz ken ornyna baryp, jaǵdaıdy baqylaýda ustaý jáne operatormen ózara is-qımyldy úılestirý jumystaryn júrgizip jatyr.

Energetıka mınıstrligi baspasóz qyzmetiniń habarlaýynsha, 18 qańtarda bolǵan tehnologııalyq buzýshylyqty (gaz týrbınalyq qondyrǵylarynyń óshýi) tolyq anyqtaý úshin arnaıy komıssııa qurylyp, jumysqa kiristi.

Komıssııa quramyna memlekettik energetıkalyq qadaǵalaý komıtetiniń aýmaqtyq departamenti, Atyraý oblysy ákimdiginiń energetıka basqarmasy, «KEGOC» jáne «Teńizshevroıl» ókilderi kirdi.

Munaı óndirýdi ýaqytsha toqtatý operator (TShO) tarapynan personaldy jáne jabdyqty qorǵaý úshin qaýipsizdik protokoldaryna sáıkes qabyldanǵan.

- Qazirgi ýaqytta komıssııa bolǵan jaǵdaıdyń sebepterin egjeı-tegjeıli tehnıkalyq turǵydan taldap jatyr. Barlyq resmı qorytyndylar men pikirler tek komıssııa jumysynyń nátıjesi boıynsha jarııalanady. Jaǵdaı Energetıka mınıstrliginiń baqylaýynda, - delingen habarlamada.

Osyǵan deıin Teńiz ken ornynda órt bolyp, 450-den asa jumysshy evakýatsııalanǵany týraly jazdyq.

TShO Teńiz jáne Korolev ken oryndaryndaǵy óndiristi ýaqytsha toqtatty.