Energetıka vıtse-mınıstri Shymkent MÓZ-iniń nelikten keshigip jóndeletinin túsindirdi

ASTANA. QazAqparat - Shymkent munaı óńdeý zaýytynyń josparlyq jóndeý jumystary Qazaqstandaǵy janar-jaǵarmaıǵa degen tapshylyq saldarynan 2015 jyldyń aqpanyna deıin shegerile turýy múmkin.

Bul týraly búgin Ortalyq kommýnıkatsııalar qyzmetinde ótken brıfıngte QR Energetıka vıtse-mınıstri Uzaqbaı Qarabalın aıtty.

«Búginde Shymkenttegi munaı óńdeý zaýytyn jóndeýge jabý jumystaryn kelesi jyldyń aqpan-sáýir aılaryna deıin shegere turý jaıy talqylanyp, sheshim qabyldaý máselesi qaralýda. Bul elimizdiń ishki naryǵyndaǵy janar-jaǵarmaıǵa degen tapshylyqty joıý maqsatynda barlyq munaı óńdeý zaýyttaryn tolyqtaı júktememen jumys istetýge jumyldyrý úshin jasalyp jatyr», - dep túsindirdi vıtse-mınıstr.