Energetıka tutyný kólemi taıaý jyldary jylyna 4-5 paıyzǵa ósýi múmkin - Indýstrııa jáne jańa tehnologııalar mınıstrliginiń sarapshysy
ALMATY. 18 qarasha. QazAqparat /Erlik Erjanuly/ - Qazaqstandy energetıkamen 100 paıyz qamtamasyz etý úshin jalpy ishki ónimniń 7 paıyzdyq ósiminde energetıka tutyný taıaý jyldary jylyna 4-5 paıyzǵa artpaq.
Indýstrııa jáne jańa tehnologııalar mınıstrliginiń Elektrenergetıka naryǵyn damytý basqarmasynyń sarapshysy Ǵazıza Qatranova búgin Almatyda ótip jatqan Investorlar men kredıtorlar klýbynyń 6-otyrysynda osylaı málim etti.
"Elimizde energııa tapshylyǵyn boldyrmaý úshin jyl saıyn 600 MVt jańa qýat kózin salyp, jyl saıyn 500 MVt-ty quraıtyn jumys istep turǵan qýat kózderin ońaltý kerek. Bul úshin alǵashqy 5 jylda jyl saıyn 300 mıllıard teńgeden, al odan keıin jylyna 200 mıllıard teńge nemese 2 mıllıard dollar ınvestıtsııa qajet", - deıdi Ǵazıza Serikqyzy. Onyń aıtýynsha, QR Tabıǵı monopolııalardy retteý agenttigi men Indýstrııa jáne jańa tehnologııalar mınıstrligi energetıka salasyn damytý úshin keıbir zańdarǵa engiziletin ózgerister men tolyqtyrýlardyń jobasyn jasady. Ol salany damytýǵa tosqaýyl bolyp turǵan barlyq túıtkildi máselelerdi sheshetin bolady.
