Energetıka, tehnologııa, sırek shıkizat: Djordja Melonı Ortalyq Azııa-Italııa seriktestiginiń negizgi sektorlaryn atady

ASTANA. KAZINFORM — Memleket basshysy Qasym-Jomart Toqaevpen birge Astana halyqaralyq forýmynyń ekinshi kúnindegi plenarlyq sessııaǵa qatysqan Italııa Mınıstrler Keńesiniń tóraǵasy Djordja Melonı Ortalyq Azııa-Italııa seriktestiginiń negizgi sektorlaryn atady. 

— Sizder Azııadan Eýropaǵa deıin, Jerorta teńizinen Tynyq muhıt aımaǵyna deıin tutastyq turǵysynan kóz salasyzdar. Eger osy forýmǵa uran etip alynǵan keleshekti qalyptastyrǵymyz kelse, batyldyq tanytyp, geografııalyq shekaradan shyǵyp, jańa jolǵa túsýimiz kerek, — dedi Italııa Premer-mınıstri.

Sondaı-aq, ol Italııanyń aımaqtaǵy yqpaldastyq baılanysyna negiz bolyp otyrǵan salalardy atady.

— Biz muny ózara qarym-qatynastarymyzdy myǵym etetin, basymyzdy biriktirip úlgergen baǵyttardan bastap otyrmyz. Men bul jerde yntymaqtastyqtyń dástúrli segmentine aınalǵan energetıka sektoryn aıtyp otyrmyn. Tehnologııadaǵy beıtaraptylyq qaǵıdatynsyz ornyqty ekonomıkanyń qaýipsizdigin qamtamasyz ete almaımyz. Men sondaı-aq, asa mańyzdy sırek shıkizattardy negizge alyp otyrmyn. Bul saladaǵy yntymaqtastyǵymyz ortaq tabys pen ózara múmkindikterge baǵyttalǵan, — dedi Djordja Melonı.

Aıta keteıik, keshe keshke Italııa premeri Qazaqstanǵa resmı saparmen keldi.