Energetıka salasyndaǵy jóndeý jumystarynyń sapasyn ýákiletti organ baqylaıdy
«Generatsııalaıtyn qýattyń tozýyn 15%-ǵa tómendetý maqsatynda 2035 jylǵa qaraı «Investıtsııalarǵa aıyrbastaý tarıfi» jańa tarıftik saıasatyna kóshý sheńberinde tarıf belgileý tásilderin transformatsııalaý kerek, bul jyl saıynǵy ınvestıtsııa kólemin 3 ese arttyrýdy talap etedi», - dedi mınıstr.
Mınıstrlik osy baǵdarlama aıasynda energııa óndirýshi uıymdardyń menshik ıeleriniń rólin kúsheıtpekshi.
«Máselen, ınvestıtsııalyq jobalardy iske asyrý kezinde óz qarajatyn salý boıynsha sharalar belgilenedi. Budan basqa, jobalardy irikteý kezinde nysanaly kórsetkishter men is-sharalardy, onyń ishinde negizgi jabdyqtyń tozýyn, otynnyń úlestik shyǵynyn azaıtý, ekologııalyq kórsetkishterdi jaqsartý jónindegi is-sharalardy belgileý josparlanǵan. Sondaı-aq sýbektilerdiń jarııa tyńdaýlar jáne ashyq satyp alýlar ótkizýi arqyly energııa óndirýshi uıymdardyń qarajatyn paıdalanýdyń ashyqtyǵy qamtamasyz etiletin bolady. Bul rette jóndeý jumystaryn júrgizý kezeńinde ýákiletti organ tarapynan sapaǵa baqylaý belgilenbek. Osy sharalardy iske asyrý múmkindigi úshin memleket tarapynan qarsy qoldaý sharalary kózdeledi», - dedi Bolat Aqsholaqov.
