Energetıka salasynda ınvestorlardyń belsendiligin arttyrý úshin ne istelip jatyr

NUR-SULTAN. QazAqparat - Qazaqstanda jańartylatyn energııa kózderi salasyndaǵy ınvestorlardyń belsendiligin arttyrý úshin birqatar sharalar qabyldanyp jatyr, dep habarlaıdy QazAqparat tilshisi.

Energetıka mınıstrligi baspasóz qyzmetiniń málimetinshe, «Tirkelgen tarıfterdi jáne shekti aýktsıondyq baǵalardy aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 27 naýryzdaǵy № 271 qaýlysyna ózgerister engizý týraly» Úkimet qaýlysynyń jobasy daıyndalǵan.

Qaýly jobasy «Quqyqtyq aktiler týraly» 2016 jylǵy 6 sáýirdegi jáne «Qoǵamdyq keńester týraly» 2015 jylǵy 2 qarashadaǵy Qazaqstan Respýblıkasynyń zańdaryna sáıkes keltirý maqsatynda ázirlendi.

«Qaýly jobasynda osy qaǵıdalardy paıdalaný kezinde naqty túsiný úshin «iri gıdroelektr stansasy» degen jańa anyqtama usynylady. Budan basqa, «Kaz PV» termıniniń anyq jáne ártúrli túsindirilýine jatpaıtyn mazmunyn qamtý maqsatynda «Qazaqstandyq kremnıı (Kaz PV) negizindegi fotoelektr modýlderi – Qazaqstan Respýblıkasynyń aýmaǵynda óndirilgen kremnııdi paıdalana otyryp, Qazaqstandaǵy kásiporyndarda daıyndalǵan fotoelektr modýlderi» degen jańa anyqtama usynylady» dep habarlaıdy vedomstvodan.

Úkimet qaýlysynyń jobasy «Ashyq NQA» portalynda jarııalanǵan.