Energetıka salasynda ınvestıtsııa jetkiliksiz bolyp tur - sarapshy
NUR-SULTAN. QazAqparat – Energetıka salasyndaǵy táýelsiz sarapshy Ánýar Qoshqarbaev energııa óndirýshi uıymdardyń shekti tarıfterine qatysty túzetýler salaǵa ınvestıtsııa salýǵa múmkindik beretinin aıtty, dep habarlaıdy QazAqparat tilshisi.
«Tarıfter qabyldandy jáne osyndaı sheshimniń maqsaty túsinikti bolyp otyr. Bul qadamdar stantsııalardy qoldaý úshin jasalýda. Qazirgi kezde stantsııalar úshin ınvestıtsııalar jetkiliksiz. 2016 jyldan 2018 jyl aralyǵynda tarıf turaqty deńgeıde boldy. Al stantsııalar shyǵyndary, sonyń ishinde otyn baǵasy men jóndeýge jumsalatyn ózge de shyǵyndar óskeni belgili. Sondyqtan qazirgi qabyldanǵan sharalar joǵaltyp alǵan deńgeıdi qalpyna keltirýge baǵyttalmaq», - dedi Á. Qoshqarbaev.
Onyń sózine qaraǵanda, 2015 jyly barlyq stantsııalardyń taza kirisi 107 mlrd teńgeni, 2019 jyly onyń somasy 60 mlrd teńge shamasynda boldy. 2020 jyly bul kórsetkish 80 mlrd teńge kóleminde qalyptasady dep kútilýde.
«Energetıka salasy burynǵy deńgeıdi qalpyna keltirýge tyrysýda. Jaqynda tıisti qadam jasaldy, ıaǵnı shekti tarıfter boıynsha tıisti buıryq bekitildi. Osy sharalar iske asyrylmasa, onda 2008 jyldaǵy jaǵdaıǵa tap bolamyz. ıAǵnı sol kezeńde qýat deńgeıi jetispegen edi. Eger bıyl qajetti sheshim jasalmasa, aldaǵy 3-4 jylda qıyn jaǵdaı bolýy yqtımal. Sondyqtan bul qadamdardy birtindep jasaǵan durys. Osy oraıda stantsııalar dástúrli shyǵyndaryn japqannan bólek, jańa qýattardy iske qosýǵa qaýqarly bolýy tıis. Mınıstrlik tarapynan dál osy maqsattarǵa qabyldanǵan sharalar jaǵdaıdy jaqsartýǵa kómektesedi. Barlyq esepteýlerdi eskere kele, energııa óndirýshi uıymdardyń shekti tarıfterine qatysty túzetýdi qoldaımyn», - dedi sarapshy.
Budan buryn habarlanǵandaı, QR Energetıka mınıstrligi Elektr energetıkasyn damytý departamentiniń dırektory Aıdos Dáribaev Qazaqstanda energııa óndirýshi uıymdardyń shekti tarıfteri ózgertilgenin aıtty.
Qazaqstannyń 44 energııa óndirýshi uıymynyń 34 uıymynda tarıf ósti, 9 uıymda burynǵy deńgeıde saqtaldy, al bireýinde tómendetildi.
