Energetıka salasynda biryńǵaı tsıfrlyq platforma qurylady

NUR-SULTAN. QazAqparat – QR Energetıka mınıstri Nurlan Noǵaev elektr energııasy salasyna engizetin usynystardy jarııalady, dep habarlaıdy QazAqparat tilshisi.

«Munaı ónimderi jáne elektr energııasy salasyndaǵy bırjalyq saýdany tártipke keltirý, sondaı-aq básekelistikti odan ári damytý boıynsha Prezıdenttiń bergen tapsyrmalaryn oryndaý maqsatynda tıisti sharalardy usynamyz: munaı ónimderin arnaıy taýar bırjasy arqyly kezeń-kezeńimen satýdy júzege asyrý úshin - elektrondyq saýda alańdaryna jáne taýarlyq bırjaǵa qoıylatyn talaptardy ázirleý, sonymen qatar elektr energııasy naryǵynda básekelestikti damytý maqsatynda energııa óndirýshi uıymdardy elektr energııasyn ortalyqtandyrylǵan saýda alańy arqyly ótkizýge mindetteıtin zańnamalyq aktilerdi qabyldaý», - dedi mınıstr Úkimet otyrysynda.

Mqnymen qosa, elektr energııasyn jetkizýshilerdi erkin tańdaý quqyǵyn qamtamasyz etý maqsatynda tutynýshylardy qyzmet jetkizýshilermen baılanystyratyn biryńǵaı tsıfrlyq platformany qurý eskerilgen.

«Bıznes ahýaldy jaqsartý úshin bıznes sýbektilerin elektrmen jabdyqtaý júıesine qosýǵa arnalǵan «bir tereze» qaǵıdatyn ázirleýdi usynamyz. Bul shara elektr jelilerine qosý rásimderin ońaılatýǵa múmkindik beredi.