Energetıka nysandaryn tekserý: 170 mln teńgege jýyq aıyppul salyndy
ASTANA. KAZINFORM — Úkimet otyrysynda QR Energetıka vıtse-mınıstri Suńǵat Esimhanov ótken jylý berý maýsymynda energetıka nysandaryna júrgizilgen tekserýler men onda anyqtalǵan buzýshylyqtar týraly baıandady.
— Memleket basshysynyń energetıkalyq baqylaýdy kúsheıtý jónindegi tapsyrmasyna sáıkes «Jylý energetıkasy týraly» jańa zań qabyldandy. Onyń aıasynda mynadaı negizgi jańa engizilimder qarastyrylǵan. Memlekettik energetıkalyq baqylaý Kásipkerlik kodeksiniń talaptarynan tys júzege asyrylady. Ótken jyly 472 tekserý júrgizý nátıjesinde 168 mln. teńge aıyppul salyndy, — dedi ol.
Vıtse-mınıstrdiń aıtýynsha, Energetıkalyq qadaǵalaý komıtetine ortalyqtandyrylǵan jylýmen jabdyqtaý júıelerindegi jylý jelileri men qazandyqtardy baqylaý fýnktsııalary berilgen.
— Elimizdiń energetıka obektilerinde óndiristik energetıkalyq baqylaý ınstıtýty engizildi. Ol tikeleı úzdiksiz óndiristik protseste energetıkalyq obektilerdi paıdalaný kezinde zańnama talaptarynyń buzylýyn anyqtaýǵa jáne aldyn alýǵa baǵyttalǵan, — dedi Suńǵat Esimhanov.