Energetıka mınıstriniń kommýnaldyq shyǵyny qansha teńge

ASTANA. KAZINFORM — Búgin Úkimet otyrysynan keıingi baspasóz máslıhatynda Energetıka mınıstri Erlan Aqkenjenov kommýnaldyq qyzmetterge qansha teńge jumsaıtynyn aıtty.

Energetıka mınıstriniń kommýnaldyq shyǵyny qansha teńge
Foto: Aǵybaı Aıapbergenov/Kazinform

— Shamamen 73-75 myń teńge tóleımin. Highvill turǵyn úı kesheninde turyp jatyrmyn jáne aı saıyn osy soma shamasynda kommýnaldyq qyzmetterge tólem jasaımyn. Degenmen, bul somaǵa ınternet pen jalǵa alyp otyrǵan bir parkıngtiń tólemaqysy kirmeıdi, — dedi mınıstr BAQ ókilderiniń saýalyna oraı.

Sonymen qatar ol aı saıyn qansha jalaqy alatynyn aıtty.

— Jalaqym shamamen 1 mln 200 teńgeni quraıdy. Bul memleket maǵan tóleıtin aılyq, — dedi Erlan Aqkenjenov.

Aıta keteıik, búgin Úkimet otyrysynda jylý berý maýsymynyń barysy men jylytý kezeńindegi órt qaýipsizdigin qamtamasyz etý máselesi qaraldy. Alqaly jıyn barysynda Premer-mınıstr Oljas Bektenov jylýǵa qatysty turǵyndardan shaǵym kóp túsken óńirlerdi atady.