Energetıka mınıstrligine kelgen azamat Almaty oblysynda gıdroelektr stansasy kaskadyn salýdy usyndy

NUR-SULTAN. QazAqparat – Búgin 21 qarashasynda QR Energetıka mınıstrliginde birinshi vıtse-mınıstr Mahambet Dosmuhambetov «Biryńǵaı azamattardy qabyldaý kúni – jalpy respýblıkalyq is-shara» sheńberinde azamattardy qabyldady, dep habarlaıdy QazAqparat.

Vedomstvo basshylyǵymen kezdesýge úsh azamat jazyldy.

«Kezdesý barysynda M. Dosmuhambetov manevrlik qýat kózin damytý maqsatynda Almaty oblysynda gıdroelektr stansasynyń kaskadyn salý máselelerin qarastyrdy. Atalǵan suraqtar boıynsha ótinish berýshige «Elektr energetıkasy» týraly ázirlenip jatqan zańǵa engiziletin manevrlik generatsııany qoldaýǵa baǵyttalǵan túzetýler túsindirildi. Osy oraıda, atalǵan másele QR Energetıka mınıstrligi janyndaǵy jalpy elektr energetıkasy boıynsha usynymdar beretin turaqty jumys tobynyń sheńberinde budan ári qarastyrylatyn bolady», - delingen baspasóz qyzmeti taratqan habarlamada.

Barlyq qatysýshylar birinshi vıtse-mınıstr tarapynan jáne mınıstrliktiń salalyq qurylymdyq bólimderiniń basshylarynan bilikti túsindirmeler aldy.

Sonymen qatar basqa ortalyq memlekettik organdardyń quzyretine qaraıtyn, atap aıtqanda bilim, kómir óndirisi jáne ekologııa salalaryna qatysty suraqtar qarastyryldy, bul suraqtar boıynsha M. Dosmuhambetov azamattarǵa usynymdyq sıpattaǵy túsindirme jaýaptar berdi.