Energetıka mınıstrligi jer qoınaýyn paıdalanýshylardy qoldaýdyń júıeli sharalaryn usyndy
«Elimizdiń munaı-gaz sektorynyń damýyn yntalandyrý úshin mınıstrlik Jer qoınaýy týraly kodeksi jáne Salyq kodeksi jobalaryna júıeli sharalardy usyndy. Birinshi kodekste jer qoınaýyn paıdalaný quqyǵyn alýdy jeńildetý qadamdary eskerilgen»,-dep toqtaldy mınıstr Qanat Bozymbaev.
Osy oraıda ol quqyqtyq jáne ekonomıkalyq saraptama qysqaratynyn jetkizdi.
«Biz qor (paıdaly qazbalar qory) boıynsha eseptiliktiń halyqaralyq júıesin engizbekpiz. Bul turǵyda ákimshilik kedergiler joıyp, bazalyq jobalaý qujattar tizimin qysqartamyz, sonymen qatar bólek ruqsatnamalardy alyp tastap, qujattardy qarastyrý rásimderi men merzimin azaıtamyz», -dep naqtylady Bozymbaev.
Onyń sózine qaraǵanda, zańnamaǵa túzetýler engizilgennen keıin tıisti ýchaskede jer qoınaýyn paıdalanýǵa nıetti kásipker Energetıka mınıstrligine ótinim berýi kerek. Bul rette ýchaske bir aılyq merzimde bássaýdaǵa shyǵarylady dep kútilýde.
Budan bólek, salyqtardy azaıtý boıynsha normalar aıasynda barlaýǵa kelisimshart pen óndirýge kelisimshart arasyndaǵy salyqtyq shekarany joıý, kommertsııalyq anyqtaý bonýsyn toqtatý, 6 myń metrden astam tereń ken oryndary men teńiz jobalary úshin jer qoınaýyn paıdalanýshylardyń arnaıy tólemderin alyp tastaý jáne qarjy nátıjesi salyǵyna kóshý sııaqty basqa da qadamdar qamtylǵan.
Mınıstrdiń paıymynsha, atalǵan sharalar mıneraldyq shıkizat qoryn keńeıtý men geologııalyq barlaýdy belsendi júrgizý boıynsha qoıylyp otyrǵan mindetterdi sheshýge múmkindik beredi.
