Energetıka mınıstrligi ıadrolyq synaqtarǵa tyıym salý shartyn qadaǵalaıtyn ulttyq organ bolady
«2001 jylǵy 14 jeltoqsandaǵy QR Zańymen ratıfıkatsııalanǵan, 1996 jylǵy 30 qyrkúıekte Nıý-Iork qalasynda jasalǵan ıAdrolyq synaqtarǵa jan-jaqty tyıym salý týraly shartty iske asyrý maqsatynda QR Energetıka mınıstrligi ıAdrolyq synaqtarǵa jan-jaqty tyıym salý týraly shart boıynsha ulttyq organ bolyp taǵaıyndalsyn», - delingen qaýlyda.
Qujatqa qosymsha berilgen túsindirmege saı, endi Energetıka mınıstrligine sharttyń saqtalýyn baqylaý mindeti júkteledi.
«ıAdrolyq synaqtarǵa jan-jaqty tyıym salý týraly shartqa sáıkes, árbir qatysýshy memleket ıadrolyq qarýdyń synaq jarylysyn jasamaýǵa, onyń baqylaýyndaǵy kez kelgen jerde ıadrolyq jarylysqa tyıym salýǵa jáne onyń aldyn alýǵa mindettenedi. Sharttyń saqtalýyn jan-jaqty baqylaý seısmıkalyq, radıonýklıdtik jáne ınfraqyzyl baqylaý salasyndaǵy qazirgi zamanǵy tehnologııalar qoldanylatyn ıadrolyq synaqtarǵa jan-jaqty tyıym salý týraly shart boıynsha uıymǵa júktelgen. Tekserý rejımi ıadrolyq synaqtarǵa jan-jaqty tyıym salý týraly shart sheńberinde qurylady. Oǵan seısmologııalyq, radıonýklıdtik, gıdroakýstıkalyq jáne ınfraqyzyl baqylaý júıeleri jónindegi is-sharalar, sondaı-aq konsýltatsııalyq rásimder, jergilikti jerlerdegi ınspektsııalar jáne qaýipsizdik sharalary kiretin halyqaralyq monıtorıng júıesi kiredi», - dep túsindirme berilgen qaýlyǵa.
Qujatty ashyq talqylaý 28 naýryzǵa deıin jalǵasady.
