Energetıka mınıstrligi Túrkistan oblysyndaǵy jaǵdaıǵa qatysty túsinik berdi
2021 jylǵy 16 naýryzda saǵat 21:46-da «KEGOC» AQ-nyń «GPP-1 –Qyzylorda» 220 kV L-2019 jáne «Qarataý – Opornaıa» ÁJ-220kV L-2089 áýe jelileri ajyratyldy. Osynyń nátıjesinde Qyzylorda jáne Túrkistan oblystary elektr qýatynsyz qaldy.
«Qyzylordajylýelektrortalyǵy» MKK elektr stantsııasynyń generatsııasy 62-den 0 MVt-qa deıin tómendedi.
Saǵat 00:27-de «Qyzylordajylýelektrortalyǵy» MKK elektr stantsııasynda GTÝ-3, saǵat 02:27-de GTÝ-1, saǵat 03:33-te GTÝ-2, saǵat 04: 16-da TG-3 iske qosyldy. Elektr stantsııasynyń rejımi qalpyna keltirildi.
Saǵat 21:52-de 220 kV L-2019, L-2089 áýe jelileri qosyldy. Shekteýler alyp tastaldy.
Saǵat 22:47-de 220 kV L-2089 «Qarataý-Opornaıa» áýe jelisi qaıta sónip qaldy.
«Qarataý-Opornaıa» 220 kV L-2089 áýe jelisin qaraý kezinde №439 ankerlik tireginde (Qarataý KS-nan 77 km) «V» fazasy symynyń úzilýi anyqtaldy. «KEGOC» AQ-nyń avarııalyq brıgadasy qalpyna keltirý jumystaryn bastady.
2021 jylǵy 17 naýryzda saǵat 09:49-da symnyń zaqymdanýy joıylǵannan keıin 220 kV L-2089 «Qarataý-Opornaıa» áýe jelisi iske qosyldy.
Buǵan deıin, 2021 jylǵy 13 naýryzda dúleı tabıǵı qubylystardyń (muzdy jańbyr, qatty ekpindi jel 28-30 m/s, elektr berý jelileri symdarynyń muzdanýy) áserinen 220 kV L-2439 «Kentaý – GNPS» jáne L-2319 «Shymkent – Mırgalımsaı» áýe jelileri ajyraǵan bolatyn.
Nátıjesinde, búgingi kúni Qyzylorda jáne Túrkistan oblystaryn tabıǵı apat saldarynan búlingen elektr jelilerin qalpyna keltirgenge deıin elektrmen jabdyqtaý senimdiligi tómendedi.
Qazaqstan Respýblıkasy Energetıka mınıstrliginiń Atomdyq jáne energetıkalyq qadaǵalaý men baqylaý komıteti Túrkistan oblysynyń ákimdigimen birlesip, Túrkistan oblysynyń tutynýshylaryn elektrmen jabdyqtaýǵa jáne «KEGOC» AQ jáne energııa berýshi uıymdar jelilerindegi qalpyna keltirý jumystaryna monıtorıngti júzege asyrýda.
