Energetıka mınıstrligi taǵy da Kókshetaýda JEO qurylysyna tender jarııalady

KÓKShETAÝ. QazAqparat - QR Energetıka mınıstrligi Kókshetaýda JEO qurylysyna taǵy da tender jarııalady. Birinshisine birde-bir ótinim túsken joq, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Qazaqstan Respýblıkasynyń Energetıka mınıstrligi «Elektr energetıkasy týraly» Qazaqstan Respýblıkasy Zańy 15-6-babynyń 3- tarmaǵyna sáıkes 2023 jyly Kókshetaý JEO jobasy boıynsha jańadan paıdalanýǵa beriletin generatsııalaıtyn qondyrǵylardy salýǵa tender (budan ári – tender) ótkiziletini týraly habarlaıdy jáne áleýetti ınvestorlardy osy tenderge qatysýǵa shaqyrady» delingen habarlamada.

Jańadan paıdalanýǵa beriletin generatsııalaıtyn qondyrǵylardy salýǵa arnalǵan tenderge qatysýǵa ótinimderdi qabyldaýdyń bastalý ýaqyty: Astana qalasynyń ýaqyty boıynsha 2023 jylǵy 13 aqpan 09:00, tenderge qatysýǵa ótinimderdi qabyldaýdyń aıaqtalý ýaqyty - Astana qalasynyń ýaqyty boıynsha 2023 jylǵy 15 naýryz, saǵat 15:00.

Tender «Elektr energetıkasy týraly» Qazaqstan Respýblıkasynyń Zańyna jáne Qazaqstan Respýblıkasy Energetıka mınıstriniń 2015 jylǵy 20 aqpandaǵy № 110 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10535 bolyp tirkelgen) Jańadan paıdalanýǵa beriletin generatsııalaıtyn qondyrǵylardy salýǵa tender ótkizý qaǵıdalaryna sáıkes ótkiziledi.

Onyń negizinde tender ótkiziletin jańadan paıdalanýǵa beriletin generatsııalaıtyn qondyrǵylardy salýǵa arnalǵan tenderlik qujattama ýákiletti organnyń ınternet-resýrsynda jarııalandy (https://www.gov.kz/memleket/entities/energo/documents/details/393373?lang=kk).

«2023 jylǵy 31 qańtarda Kókshetaý qalasynda JEO qurylysy jobasy boıynsha jańadan paıdalanýǵa beriletin generatsııalaıtyn qondyrǵylardyń qurylysyna arnalǵan tender qorytyndysyn shyǵarý jónindegi tenderlik komıssııanyń otyrysy ótip, tenderge qatysýǵa ótinimderdiń bolmaýyna baılanysty tenderlik komıssııa tenderdi ótpedi dep taný týraly sheshim qabyldaǵanyn atap ótemiz», - delingen QR Energetıka mınıstrliginiń habarlamasynda.

Aıta ketsek, budan buryn Kókshetaýda salynatyn JEO qurylysyna tender ótkiziletin jarııalaǵan edik.

Kókshetaýda salynatyn JEO qurylysyna tender ótkiziledi: 2022 jylǵy 30 sáýir, 11:19 - inform.kz jańalyqtary

Keıin Aqmola oblysyna jumys sapary kezinde turǵyndarmen kezdesken QR Energetıka mınıstri JEO qurylysy qashan bastalatynyn atap ótken edi.

Kókshetaýdaǵy JEO qurylysy qashan bastalady: 2022 jylǵy 27 tamyz, 13:41 - inform.kz jańalyqtary