Energetıka mınıstrligi ShQO-da kómir qymbattaýyna qatysty jaýap berdi
ASTANA. QazAqparat - QR Energetıka mınıstrligi Shyǵys Qazaqstan oblysyndaǵy kómir baǵasynyń kúrt qymbattaýy týraly pikir bildirdi, dep habarlaıdy QazAqparat tilshisi.
Buǵan deıin shyǵysqazaqstandyq BAQ kómir baǵasynyń eki esege artqanyn, ár tonnasy 8000 teńgeden satylǵan kómirdi alypsatarlar 17 myń teńgege deıin qymbattatqanyn habarlaǵan edi.
«Razrezdegi kómir baǵasy aıtarlyqtaı qymbat emes. Razrezden tutynýshyǵa jetkenshe baǵanyń ósýine temir jol tarıfteri men deldaldyq uıymdardyń (alypsatarlardyń) ústemeaqysy áser etip otyr. Kommýnaldyq-turmystyq tutynýshylar úshin kómirdiń negizgi kólemi taýar bırjasy arqyly júzege asyrylady», - dep habarlady mınıstrliktiń baspasóz qyzmeti redaktsııa saýalyna.
Sondaı-aq, mınıstrlik kómir baǵasyn belgileý, saýdalyq retteý jáne deldaldyq qurylymdardy alyp tastaýdyń QR Energetıka mınıstrligi quzyretine kirmeıtinin atap ótti.
«Saýda qyzmetin retteý, taýar bırjalaryn memlekettik retteý, aımaqtyq damý jáne naryq sýbektilerine monopolııaǵa qarsy áreket etý - QR Energetıka mınıstrliginiń quzyrynda», - delingen habarlamada.
