Energetıka mınıstrligi Samsung-tyń Balqash JES qurylysynan bas tartqanyn rastady
ASTANA. QazAqparat - QR Energetıka mınıstrligi Samsung C&T Sorporation kompanııasynyń Balqash JES qurylysynan bas tartqanyn rastady.
Degenmen, vedomstvonyń habarlaýynsha, túbegeıli sheshim áli shyǵarylǵan joq.
«Samuryq-Energo» AQ habarlamasyna sáıkes, Samsung C&T Sorporation kompanııasymen birge jobany aıaqtaý boıynsha túbegeıli sheshim áli shyǵarylǵan joq. 2016 jyldyń 31 tamyzynda Samsung C&T Sorporation-nan «Balqash JES» AQ aktsııalaryn qazaqstandyq tarappen satyp alýyn talap etetin satylym optsıonyn atqarý týraly, sonymen qatar Samsung Engineering Co Ltd kompanııasynan qurylysty júrgizý týraly kelisimshartty buzý týraly habarlama kelip tústi», - delingen «QazAqparat» agenttiginiń resmı saýalyna berilgen jaýapta.
Mınıstrliktiń jazýynsha, kelisimshart talaptaryna sáıkes, qazaqstandyq tarapta 60 kún ishinde koreılik ınvestorlarmen qarym-qatynasty retteýge múmkindik bar.
Mınıstrlik eki taraptyń arasynda («Samuryq-Energo» AQ men Samsung C&T Sorporation) túbegeıli sheshim qabyldanbaǵandyqtan, ary qaraı bul oqıǵaǵa túsinik berýden bas tartty.
