Energetıka mınıstrligi munaıdan geosıntetıkalyq materıal óndiretin zaýyt salmaqshy
Bul týraly Energetıka mınıstri Nurlan Noǵaev Májiliste ótken otyrysta aıtty.
«Munaı-gaz-hımııa jobalarynyń úlken kapıtaldy qajet etetindigin jáne olardyń ótelý merzimderiniń uzaqtyǵyn eskere otyryp, osy salaǵa ınvestıtsııalar tartý maqsatynda mınıstrlik «bir qujat» qaǵıdaty boıynsha munaı-gaz-hımııa jobalary úshin ınvestıtsııalar týraly arnaıy kelisimniń zańnamalyq tetigin engizýdi pysyqtaýda. 2021-2025 jyldary munaı-gaz-hımııa jobalaryn iske asyrýǵa 3,9 trln teńge ınvestıtsııa tartylady», -dedi vedomstvo basshysy.
Sonymen qatar, ol «Ulttyq ındýstrııalyq munaı-hımııa tehnoparkinde» jylyna 500 myń tonna polıpropılen óndiretin zaýyt salynyp jatqanyn eske saldy.
«Osy zaýyttyń bazasynda polıpropılendi ári qaraı óńdeı otyryp, toqylǵan jáne ekstrýzıalyq geosıntetıkalyq materıaldar óndiretin zaýyttardy salý pysyqtalyp jatyr», - dedi Nurlan Noǵaev.
