Energetıka mınıstrligi gaz tutynatyn qazaqstandyqtardy birneshe sanatqa bólmekshi

NUR-SULTAN. QazAqparat - Qazaqstanda gaz baǵasy qymbattaǵan jaǵdaıda qarapaıym halyqtyń qaltasyna túsetin salmaqty jeńildetý úshin tutynýshylardy birneshe sanatqa bólý josparlanyp otyr. Bul týraly QR Energetıka mınıstri Bolat Aqsholaqov Úkmiet otyrysynan keıin BAQ ókilderine bergen suhbatynda aıtty, dep habarlaıdy QazAqparat tilshisi.

«Bul jerde tutynýshylardy toptarǵa bólý týraly oılaýymyz kerek. Birinshi top – qarapaıym halyq pen áleýmettik turǵyda qorǵalmaǵan turǵyndar. Biraq gazdyń shynaıy naryqtaǵy baǵasyn tóleı alatyn tutynýshylar toby bar. Bul – eksportqa baǵdarlanǵan, tabysyn myǵym valıýtamen alatyn kásiporyndar. Maınerler de gazǵa jaqsy baǵa tóleı alady. Sondaı-aq, kommýnaldyq jáne áleýemttik kásiporyndardy jeke topqa bólý kerek shyǵar», - dedi Bolat Aqsholaqov.

Onyń sózinshe, gaz baǵasy orta eseppen 60% óspek.

«Biz qazir esep júrgizip jatyrmyz. Otasha san 60% dep otyrmyz. Halyqtyń keıbir toptary úshin gaz quny ósedi. Sondaı-aq, óndiristik kásiporyndar úshin 2 ese qymbattaýy múmkin. Qarapaıym halyq úshin basqa baǵa bolady. Bul máselede segmentke bólip, qolymyzda bar múmkindikterge qaraı sheshim qabyldaımyz. Bul sanat úshin baǵa aıtarlyqtaı ósedi dep oılamaımyn. Biraq ónimdi arzanǵa satý árdaıym únemdeýge jol ashady deýge kelmeıdi. Biz tek tujyrymdar jasap jatyrmyz. 180 kún berilgenin bilesizder. Áli oılanýǵa ýaqyt bar», - dedi Energetıka mınıstri.

Sondaı-aq, búgingi Úkimet otyrysynda eldegi búkil oqý oryndarynyń órtke qarsy qaýipsizdik deńgeıi tekseriletini aıtyldy.