Energetıka mınıstrligi elektr qýatynyń shekti tarıfterin jańartty

ASTANA. QazAqparat – Energetıka mınıstriniń «Elektr energııasyna shekti tarıfterdi bekitý týraly» buıryǵyna ózgeris engizildi. Ózgeris erteńnen bastap kúshine enedi, dep habarlaıdy QazAqparat.

Buıryq jobasyna berilgen qosymshada 47 top úshin elektr energııasynyń shekti tarıfi 2025 jylǵa deıin qalaı ózgeretini kórsetilgen.

Buǵan deıin ishldeden bastap kómir qymbattaıtynyn, elektr energııasynyń tarıfi kóteriletinin jazǵan edik.

Vedomstvo túsindirmesine saı, elektr energııasynyń qymbattaýy aldaǵy kúzgi-qysqy kezeńge daıyndyqpen baılanysty.

«Ortasha alǵanda otynnyń quramdas bóligi 17% deńgeıine deıin qambattaýy boljanady. Bogatyr-Kómir óndirý ornyndaǵy kómir qunynyń ósýi kútiledi:

- 2023 jylǵy 1 qańtardan 30 maýsymǵa deıin 7%-ǵa (2 774 teńgeden 2 968 teńgege deıin);

- 2023 jylǵy 1 shildeden 31 jeltoqsanǵa deıin 5%-ǵa (2 968 teńgeden 3 092 teńgege deıin).

Jalpy, 2023 jyl ishinde tasymaldaýmen birge, kómirdiń quny orta eseppen 25%-ǵa artady», - dep jazylǵan qujatta.

Buǵan qosa, elektr energııasyn óndiretin uıymdar úshin taýarlyq gazdyń quny orta eseppen 10%-ǵa qymbattaıdy.