Energetıka mınıstrliginiń Qoǵamdyq keńesi 107 jobany qarady
ASTANA. KAZINFORM — Energetıka mınıstrliginde Qoǵamdyq keńestiń qorytyndy otyrysy ótti, oǵan energetıka vıtse-mınıstri Erlan Aqbarov qatysty. Kezdesý barysynda vıtse-mınıstr Qoǵamdyq keńes mınıstrlik pen sarapshy qaýymdastyǵy arasyndaǵy ashyq jáne konstrýktıvti dıalogty qamtamasyz etýde mańyzdy ról atqaratynyn atap ótti. Bul týraly vedomstvonyń baspasóz qyzmeti málim etti.
— Energetıka mınıstrliginiń Qoǵamdyq keńesiniń tóraǵasy Jaqyp Haırýshev Keńestiń qyzmetiniń qorytyndylaryn jarııalady. Eseptik kezeńde Qoǵamdyq keńes músheleri 107 zańnamalyq jobany qarady, barlyq materıaldar belgilengen merzimde zertteldi. Kezdesýler barysynda 34 másele, sonyń ishinde elektr energetıkasy men munaı-gaz salasyna qatysty suraqtar qaraldy, — delingen habarlamada.
Otyrystyń sońynda marapattaý rásimi ótti. Energetıka salasynyń damýyna qosqan úlesi jáne Energetık kúnine oraı Qoǵamdyq keńes tóraǵasy Jaqyp Haırýshev «Elektr energetıkasy salasyna qosqan úlesi úshin» medalimen marapattaldy. Energetıka máseleleri komıtetiniń basshysy Almaz Abıldaev «Eńbek sińirgen energetık tósbelgisimen» tósbelgisimen, Qoǵamdyq keńes múshesi Baljan Dosmuhambetova «Qurmetti energetık» tósbelgisimen marapattaldy.
Aıta keteıik, jaqynda Aqordada energetıka salasyn damytýǵa eleýli úles qosqan bir top azamat marapattaldy.