Energetıka mınıstrliginde Gaz ónerkásibi departamentiniń dırektory aýysty
ASTANA. KAZINFORM — Energetıka mınıstrligi Apparat basshysynyń buıryǵymen Asqar Qonaqbaev Gaz ónerkásibi departamentiniń dırektory bolyp taǵaıyndaldy, dep habarlaıdy vedomstvonyń baspasóz qyzmeti.
Asqar Nurmuhanbetuly Qonaqbaev 1985 jyly dúnıege kelgen.
Q.I. Sátbaev atyndaǵy Qazaq ulttyq tehnıkalyq ýnıversıtetin «Qorshaǵan ortany ınjenerlik qorǵaý» mamandyǵy boıynsha, sondaı-aq Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Qurylys» mamandyǵy boıynsha támamdaǵan.
Eńbek jolyn «Aýyl Gaz» JShS óndiristik-tehnıkalyq bóliminiń ınjeneri bolyp bastaǵan.
Ár jyldary gaz salasynda basshylyq qyzmetter atqarǵan. «Intergaz Ortalyq Azııa» AQ-nyń Aqtaý fılıalyna jetekshilik etken.
2010 jyldan bastap qazirgi ýaqytqa deıin «QazTransGaz Aımaq» AQ-da eńbek etip, jetekshi mamannan departament dırektoryna deıingi eńbek jolynan ótti.
Osydan buryn Mańǵystaý oblysynyń bala quqyqtaryn qorǵaý basqarmasynyń jańa basshysy kelgenin jazdyq.
