Energetıka mınıstrligi jylý maýsymyn baqylaýǵa arnalǵan jańa tsıfrlyq servısti iske qosty
ASTANA. KAZINFORM – Energetıka mınıstrligi 2025-2026 jylǵy kúzgi-qysqy kezeńniń ótýine monıtorıng júrgizýge arnalǵan jańa tsıfrlyq servısti synaq rejıminde iske qosty.
Jańa servıs «Otyn-energetıka keshenin basqarýdyń biryńǵaı memlekettik júıesi» (EnergyTech) aıasynda ázirlengen jáne ol QR Prezıdenti janyndaǵy Tsıfrlandyrýdy engizý máseleleri jónindegi komıssııanyń tapsyrmasyna sáıkes qoldanysqa berildi.
Servıstiń negizgi qyzmetteri:
-
generatsııa jáne energııa tasymaldaý obektileriniń tsıfrlyq pasporttary men olardyń tehnıkalyq jaı-kúıi týraly málimetter;
-
energııa resýrstaryn avtomattandyrylǵan esepteý júıelerinen derekterdi onlaın rejımde jınaý jáne vızýalızatsııalaý;
-
analıtıkalyq dashbordtar qurý jáne naqty ýaqyt rejıminde oqıǵalar týraly habarlamalar alý;
-
aqparattyq qaýipsizdik pen qoljetimdilikti shekteý talaptaryn saqtaý.
Mınıstrliktiń málimetinshe, jańa servıs EnergyTech júıesiniń negizgi quramdas bóligine aınalady. Bul júıe otyn-energetıka keshenin tsıfrlyq transformatsııalaý kartasy aıasynda ázirlenip, saladaǵy memlekettik fýnktsııalar men qyzmetterdiń biryńǵaı tsıfrlyq ekojúıesin qurýdy kózdeıdi.
Platforma:
-
energetıkalyq resýrstardy tıimdi basqarýǵa,
-
qoldanystaǵy aqparattyq júıelerdi ıntegratsııalaýǵa,
-
bıznes-protsesterdi ońtaılandyrýǵa múmkindik beredi.
Sonymen qatar, atalǵan servıs «Energetıkalyq jáne kommýnaldyq sektordy jańǵyrtý» ulttyq jobasy sheńberinde júzege asyrylýda. Joba aıasynda Energetıka mınıstrligine saladaǵy keshendi tsıfrlandyrý baǵdarlamasyn ázirleý jáne iske asyrý mindeti júktelgen.
Aıta keteıik, Aqtaýda 1 tamyzdan bastap sý, jylytý jáne káriz tarıfteri ózgeredi.