Energetıka mınıstrligi janyndaǵy Qoǵamdyq keńes 2026 jylǵa arnalǵan jumys josparyn bekitti

ASTANA. KAZINFORM – Jaqyp Haırýshevtiń tóraǵalyǵymen Energetıka mınıstrligi janyndaǵy Qoǵamdyq keńestiń 2026 jylǵy alǵashqy otyrysy ótti. 

Jıyn barysynda qatysýshylar Keńestiń 2026 jylǵa arnalǵan jumys josparyna enetin máseleler tizbesin egjeı-tegjeıli talqylap, bekitti. Sonymen qatar kezdesý barysynda Keńes qyzmetiniń uıymdastyrýshylyq máseleleri qaraldy. 

Atap óterlik jaıt, jyl boıy energetıka sektorynyń eń ózekti problemalaryn tikeleı nysandarda egjeı-tegjeıli taldaý jáne talqylaý úshin Qoǵamdyq keńestiń kóshpeli otyrystaryn ótkizý josparlanyp otyr. 

2026 jylǵa arnalǵan jospar halyq pen sarapshylar qaýymdastyǵynyń suranystaryna barynsha jedel den qoıýǵa jáne Mınıstrlikpen tyǵyz úılesimdi jumys isteýge baǵyttalǵan.

Eske sala keteıik, buǵan deıin 2030 jylǵa qaraı Ekibastuz GRES-2 stansasynda jańadan eki energııa blogy salynatynyn habarlaǵanbyz.