Energetıka mınıstrligi: Benzın baǵasyn retteıtin moratorıı áli kúshinde
ASTANA. KAZINFORM — AI-92 markaly benzın baǵasynyń ósýi týraly aqparattyń taralýyna baılanysty Energetıka mınıstrligi janar-jaǵarmaıdyń baǵasyn retteıtin moratorııdiń áli de kúshinde ekenin rastaıdy.
Vedomstvo málimetinshe, AI-92 markaly benzın men dızel otynynyń quny 2025 jylǵy 16 qazandaǵy deńgeıde saqtalyp otyr.
— Aqparattyq servıster men tsıfrlyq kartalardaǵy málimetter baǵany qaıta qaraý úshin negiz bola almaıdy. Belgili bir janarmaı quıý beketterinde belgilengen shekti baǵadan asyp ketý derekteri tirkelse, ýákiletti organdar árbir jaǵdaıdy jeke tártippen qaraıdy. Energetıka mınıstrligi Básekelestikti qorǵaý jáne damytý agenttigimen jáne óńirlik shtabtarmen birlesip jaǵdaıdy turaqty túrde baqylaýda ustap otyr. Naryq sýbektileriniń tarapynan negizsiz baǵa ósimi anyqtalǵan jaǵdaıda tıisti sharalar qabyldanady, — delingen habarlamada.
Mınıstrlik baǵanyń shekti deńgeıden asyp ketý faktilerine tap bolǵan azamattardan kelesi nómirler boıynsha Call-ortalyqqa habarlasýdy suraıdy: +7 (701-85) 5-02-48, +7 (7172) 57 44 81.
Aıta keteıik, taıaýda Úkimet benzın men tarıf baǵasyna moratorıı engizilip, ıpoteka kólemi ulǵaıtý sheshimin jarııa etken bolatyn.
Osyǵan deıin Energetıka mınıstri Erlan Aqkenjenov elimizde benzın baǵasyn kóterýge moratorıı qansha ýaqyt sozylatyndyǵyna qatysty paıymyn bildirdi.