Energetıka mınıstrligi Orynbor gaz óńdeý zaýytyna qatysty jaǵdaıǵa túsinikteme berdi
ASTANA. KAZINFORM — Qazaqstannyń ishki naryǵyn gazben qamtamasyz etý qalypty rejımde júzege asyrylyp jatyr.
Mınıstrlik buqaralyq aqparat quraldarynda Reseıdegi Orynbor gaz óńdeý zaýytynyń aınalasyndaǵy jaǵdaıǵa qatysty taraǵan aqparatqa túsinikteme berdi.
Buǵan deıin birqatar buqaralyq aqparat quraldary men áleýmettik jelilerde Orynbor gaz óńdeý zaýyty jumysynyń irkilisine baılanysty Qazaqstanǵa gaz jetkizýge qaýip tónýi múmkin degen pikir aıtylǵan edi.
Energetıka mınıstrliginiń ókili Ásel Serikpaevanyń aıtýynsha, atalǵan jaǵdaı otandyq tutynýshylarǵa taýarlyq gaz jetkizýdiń turaqtylyǵyna áser etken joq.
— Oqıǵa otandyq tutynýshylardy taýarlyq gazben turaqty qamtamasyz etýge áser etken joq. Dıspetcherlik qyzmetter logıstıkany jedel túrde qaıta uıymdastyryp, qarsy baǵyttaǵy gaz kólemderin balamaly marshrýt arqyly jetkizýdi qamtamasyz etti.
Otyn kólemderi basqa kózder esebinen úzdiksiz tolyqtyrylýda. Qazaqstannyń gaz ınfraqurylymy shtattyq rejımde jumys istep tur. Іshki naryq energııa resýrstarymen tolyq qamtamasyz etilgen, jaǵdaı mınıstrlik pen ulttyq operatordyń turaqty baqylaýynda, — dedi ol.
Aıta ketelik Gazpromnyń Orynbordaǵy zaýyty Qarashyǵanaq gazyn 2050 jylǵa deıin óńdeıtin bolǵany týraly jazǵan edik.
