Energetıka mınıstrligi men EQDB «QaJET» ınvestıtsııalyq platformasyn iske qosady
ASTANA. KAZINFORM – Energetıka mınıstrligi, Eýropalyq Qaıta Qurý jáne Damý Banki (EQDB) jáne Ekologııa mınıstrligi «QaJET» energetıkalyq kóshý ınvestıtsııalyq platformasyn qurý týraly memorandýmǵa qol qoıdy.
RES-2026 konferentsııasynyń ekinshi kúni Qazaqstannyń energetıka salasyndaǵy aýysymyn qoldaý maqsatynda «QaJET» ulttyq ınvestıtsııalyq platformasyn qurý jónindegi ózara túsinistik týraly qujatqa qol qoıyldy.
Memorandýmǵa Energetıka mınıstri Erlan Aqkenjenov, Ekologııa jáne tabıǵı resýrstar mınıstri Erlan Nysanbaev jáne EQDB-nyń Ortalyq Azııa men Mońǵolııa boıynsha basqarýshy dırektory Hýseın Ózhan qol qoıdy.
«QaJET» platformasynyń negizgi maqsaty – ınvestıtsııalardy tıimdi tartý, memlekettik bastamalardy úılestirý jáne Qazaqstannyń energetıka sektorynda tómen kómirtekti jobalardy damytý.
Qatysýshylardyń pikirinshe, bul platforma Qazaqstan men EQDB arasyndaǵy yntymaqtastyqty kúsheıtip, eldiń turaqty jáne ekologııalyq taza damý strategııasyn júzege asyrýǵa yqpal etedi.
Buǵan deıin Qazaqstan men Mońǵolııa energetıka salasyndaǵy yntymaqtastyqty damytý máselelerin talqylaǵanyn jazǵan edik.
