Energetıka mınıstrligi qubyrlardyń kúzet aımaqtaryn kadastrǵa engizý tetikterin usyndy
ASTANA. KAZINFORM — Energetıka mınıstrliginde Munaıdy tasymaldaý jáne óńdeý departamentiniń dırektory Dáýlet Aryqbaevtyń, sondaı-aq Bas kólik prokýratýrasynyń, «QazTransOıl» AQ, «Intergaz Ortalyq Azııa» AQ, «Azamattarǵa arnalǵan úkimet» memlekettik korporatsııasy» jáne «SATsTEK» AQ ókilderiniń qatysýymen «Biryńǵaı memlekettik jyljymaıtyn múlik kadastry» (BMJMK) aqparattyq júıesine ózgerister engizý máseleleri boıynsha keńes ótti.
Keńes barysynda magıstraldyq qubyrlar ótetin aýmaqtardaǵy kúzet aımaqtaryn jáne jer ýchaskelerin paıdalaný shekteýlerin esepke alý bóliginde BMJMK fýnktsıonalyn jetildirý jónindegi usynystar qaraldy.
Qatysýshylar magıstraldyq qubyr kóligi obektilerin qaýipsiz paıdalanýǵa qatysty zańnama talaptarynyń saqtalýyn baqylaý tıimdiligin arttyrý maqsatynda vedomstvoaralyq ózara is-qımyl, derekter almasý jáne aqparattyq júıelerdi ıntegratsııalaý tetikterin talqylady. Magıstraldyq qubyrlardyń kúzet aımaqtary rejıminiń buzylýyna jol bermeý, sondaı-aq jer ýchaskelerin berý jáne tirkeý áreketterin júzege asyrý kezinde tıisti shekteýlerdi ýaqtyly esepke alý máselelerine erekshe nazar aýdaryldy.
Keńes qorytyndysy boıynsha BMJMK-ny odan ári jetildirý jóninde usynystar ázirlenip, magıstraldyq qubyrlardy qaýipsiz paıdalanýdy qamtamasyz etý maqsatynda memlekettik organdar men múddeli uıymdardyń birlesken jumysynyń negizgi baǵyttary aıqyndaldy.
Buǵan deıin Energetıka mınıstri eldegi benzın baǵasyna túsinik bergen bolatyn.
