Energetıka mınıstrligi qubyr ishindegi aqaýdy robotpen izdeıtin jobany respýblıkaǵa taratpaqshy

ASTANA. KAZINFORM – Energetıka mınıstri Erlan Aqkenjenov Úkimet otyrysynda JI-ge negizdelgen eki pılottyq jobanyń sátti iske asqanyn aıtty.

- Bıyl eki jasandy ıntellekt sheshimi pılottyq aprobatsııadan sátti ótti. Birinshi keıs – drondar men jasandy ıntellektini qoldana otyryp, áýe elektr berý jelileriniń aqaýlyqtaryn tekserý (defektoskopııa) júıesi. Osy júıe arqyly shyǵyndardy 2,5 mlrd teńgege azaıtýǵa bolady, - dedi ol.

Mınıstrdiń sózinshe, bul tehnologııany qubyrlarǵa qoldaný úshin dronnyń ornyna robot paıdalanýǵa bolady.

- Ekinshi keıs – robottandyrylǵan keshen men jasandy ıntellektini qoldana otyryp, jylý jelileri qubyrlarynyń ishindegi aqaýlardy tekserý.

Onyń arqasynda qubyrlardy jóndeý jumystaryn tıimdi josparlaý arqyly 42 mlrd teńge únemdeledi. Bul eki keıs te qazir normatıvtik bekitý jáne ónerkásiptik masshtabtaý kezeńinde tur, - dedi Erlan Aqkenjenov.

Sondaı-aq, ol elde ornatylatyn 4 mln «aqyldy eseptegish» 57 mlrd teńgeni únemdeıtinin málim etti.