Energetıka mınıstrligi kóktemgi egis maýsymyna dızel baǵasyn usyndy

ASTANA. KAZINFORM – Energetıka mınıstri Almasadam Sátqalıev Úkimet otyrysynda kóktemgi egis maýsymyna dızel baǵasyn usyndy. 

Энергетика министрлігі көктемгі егіс маусымына дизель бағасын ұсынды
Фото: Алина Тулеубева/ Kazinform

— 2025 jylǵy 30 qańtarda AI-92 jáne dızel otynynyń baǵasyn memlekettik retteý alyndy. Energetıka mınıstrligi usynatyn dızel otynynyń qazirgi baǵasy taǵaıyndalǵan stantsııaǵa deıin lıtrine 232 teńgeni quraıdy. Túpki baǵany operatorlar belgileıdi jáne lıtrine 254 teńge quraýy múmkin. Bul janarmaı stansalaryndaǵy bólshek saýda baǵasynan 15% tómen. Janar-jaǵarmaımaı quıý stantsııasynyń baǵasy kóterilgen saıyn baǵa proportsıonaldy túrde kóteriledi, - dedi ol.

Onyń aıtýynsha, bıylǵy maýsymda dıqandarǵa myń tonna dızel jeńildetilgen baǵamen bosatylmaq. 

— 2025 jylǵy 1 aqpan men 30 maýsym aralyǵyna «2025 jylǵy kóktemgi egis jumystaryna 401 myń tonna dızel otynyn berý grafıgi bekitildi. Buǵan deıin, 2 jyl ishinde baǵa óńirlerge jetkizý shyǵynyn qosqanda lıtrine 228 teńge kóleminde ustaldy. Bul túpkilikti aýyl sharýashylyǵy taýaryn óndirýshiler úshin baǵany lıtrine 250 teńge kóleminde ustaýǵa múmkindik boldy. Dızel otynyn jetkizý jónindegi operatorlardyń marjasy — lıtrine 22 teńge. Ol janarmaı quıý stantsııasynyń marjasynan edáýir joǵary, - dedi mınıstr.

Eske salsaq, 2025 jyldyń qańtarynan bastap janar-jaǵarmaıdyń bólshek jáne kóterme baǵasyna qoıylyp júrgen shekti alyp tastaý týraly sheshim qabyldanǵan edi. 

Сейчас читают