Energetıka mınıstrligi Qazaqstannyń keı óńirlerindegi elektrdiń ajyratylýyna túsinikteme berdi
ASTANA. KAZINFORM – QR Energetıka mınıstrligi keı óńirlerdegi elektrmen jabdyqtaý jaǵdaıyna qatysty túsinikteme berdi.
— 2026 jylǵy 14 tamyzda energetıkalyq júıede qýattyń kúrt artýy oryn alyp, oǵan Ortalyq Azııanyń energetıkalyq júıesi tarapynan elektr energııasy aýysymynyń kúrt ózgerýi sebep boldy. Nátıjesinde apatqa qarsy avtomatıka iske qosylyp, keıbir óńirlerindegi tutynýshylar ajyratyldy, — delingen vedomstvonyń habarlamasynda.
Mınıstrliktiń málimetinshe, qazirgi ýaqytta júıelik operator «KEGOC» AQ qajetti qalpyna keltirý jumystaryn júrgizip jatyr. Keı óńirlerde elektr energııasymen qamtý qalpyna keldi.
Jaǵdaı QR Energetıka mınıstrliginiń baqylaýynda. Elektrmen jabdyqtaýdy qalpyna keltirý barysy týraly tolyq aqparat qosymsha habarlanady.
Aıta keteıik, Almaty men Almaty oblysynyń basym bóliginde sondaı-aq Qyzylordada birneshe shaǵyn aýdanda jaryq óshti.
