Energetıka mınıstrligi qaıtarymdy ınvestıtsııalar lımıtin ulǵaıtýdy josparlap otyr
ASTANA. KAZINFORM – Energetıka mınıstrligi generatsııalaý sektorynyń ınvestıtsııalyq tartymdylyǵyn arttyrýǵa baǵyttalǵan normatıvtik quqyqtyq akt jobasyn pysyqtady. Joba «Ashyq NQA» portalynda 24 aqpanǵa deıin qoǵamdyq talqylaýǵa jarııalandy.
– Túzetýler elimizdiń energetıkalyq kásiporyndarynda qosymsha qýattardy iske qosýǵa jáne qoldanystaǵy qýattardy qalpyna keltirýge jaǵdaı jasaýǵa baǵyttalǵan. Negizgi ózgeris – qaıtarymdy ınvestıtsııalardyń jyldyq lımıtin ulǵaıtý, - delingen qujatta.
Jospar boıynsha, atalǵan buıryqqa 2026 jylǵy 1 naýryzǵa deıin ózgerister engizý kózdelip otyr. Bul sharalar energetıka salasyna ınvestıtsııalar tartýdy kúsheıtip, elektr qýatynyń senimdiligi men turaqtylyǵyn arttyrýǵa múmkindik beredi.
Eske sala keteıik, energetıka nysandaryndaǵy tehnologııalyq protsesterdi basqarý júıeleri jańartylady.