Energetıka mınıstrligi gaz óndirýshi kompanııalarmen 3,5 mlrd teńgelik kelisimshartqa qol qoıdy
ASTANA. KAZINFORM - Energetıka mınıstrliginde Aktóbe oblysyndaǵy «Severnyı-1» jer qoınaýy ýchaskesinde kómirsýtekterdi barlaý jáne óndirý boıynsha kelisimshartqa qol qoıý rásimi ótti, dep habarlaıdy mınıstrliktiń baspasóz qyzmeti.
Qujatqa Energetıka vıtse-mınıstri Erlan Aqbarov, «QazaqGaz» basqarma tóraǵasynyń orynbasary Asyljan Daýletov jáne «SNPS-Aqtóbemunaıgaz» bas dırektory Jý Shıtao qol qoıdy.
Kelisimshart aıasynda 2D jáne 3D seısmıkalyq barlaý jumystaryn júrgizý, sondaı-aq táýelsiz jáne táýeldi izdeý uńǵymalaryn burǵylaý kózdelgen.
Geologııalyq barlaý jumystaryna salynatyn jalpy ınvestıtsııa kólemi 3,5 mlrd teńgeni quraıdy. Kelisimshart geologııalyq barlaý jumystaryn keshendi túrde júrgizýge múmkindik beredi. Ýchaske kómirsýtek qorlarynyń jańa kózderin anyqtaý turǵysynan joǵary áleýetke ıe.
Bul kelisim memleketaralyq ekonomıkalyq ózara is-qımyldyń birizdi damýyn kórsetedi jáne ekijaqty yntymaqtastyqty odan ári nyǵaıtý men keńeıtýge taraptardyń ózara múddeliligin rastaıdy.
Aıta keteıik, 14 sáýir kúni ótken Úkimet otyrysynda Oljas Bektenov eldiń energııa resýrstaryna degen suranysyn qanaǵattandyrý úshin gaz óndirý qýatyn arttyrý qajet ekenin atap ótti.
