Energetıka mınıstrligi apparatynyń basshysy taǵaıyndaldy

ASTANA. KAZINFORM — Qazaqstan Respýblıkasy energetıka mınıstriniń buıryǵymen Aıdyn Jumabekuly Ashýev vedomstvo apparatynyń basshysy qyzmetine taǵaıyndaldy. Bul týraly QR Úkimetiniń baspasóz qyzmeti habarlaıdy.

1976 jyly Almatyda dúnıege kelgen. Qazaq memlekettik basqarý akademııasyn, «Qarjy akademııasy» AQ bitirgen.

Eńbek jolyn 1995 jyly «Aqjol» JShS menedjer bolyp bastaǵan.

1999-2003 jyldary aralyǵynda QR Statıstıka agenttiginde túrli qyzmetterdi atqarǵan.

2003-2005 jyldary – «Saraptyq kredıtter men ınvestıtsııalardy saqtandyrý jónindegi memlekettik saqtandyrý korporatsııasy» AQ bas maman, Basqarma tóraǵasynyń kómekshisi.

2006-2007 jyldary – QR Ádilet mınıstrligi «Zııatkerlik menshik ulttyq ınstıtýty» RMQK qurylymynda basshylyq qyzmetterdi atqarǵan.

2007-2009 jyldary aralyǵynda «QazAgro» Ulttyq holdıngi» AQ jáne «Qazagrogarant» AQ jumys istegen.

2009-2011 jyldary – QR TJM «Rezerv» RMK bas dırektorynyń orynbasary, «QR Statıstıka agenttiginiń Aqparattyq-esepteý ortalyǵy» RMK dırektory.

2011-2014 jyldary – QR Statıstıka agenttigi tóraǵasynyń orynbasary.

2016-2018 jyldary – «Amangeldi Gaz» JShS qarjy jáne ekonomıka bas dırektorynyń orynbasary.

2019-2021 jyldary Memlekettik satyp alý komıtetiniń tóraǵasy, Qazynashylyq komıtetiniń tóraǵasy, QR Qarjy mınıstrliginiń jaýapty hatshysy, QR Prezıdenti Ákimshiliginiń memlekettik ınspektorynyń m.a. qyzmetterin atqarǵan.

2022-2023 jyldary – «Áleýmettik medıtsınalyq saqtandyrý qory» QAQ basqarma tóraǵasy.

2025 jyldyń shildesinen osy ýaqytqa deıin QR energetıka mınıstriniń keńesshisi qyzmetin atqardy.

Osyǵan deıin Talasbek Qanafın Aýyl sharýashylyǵy vıtse-mınıstri bolyp taǵaıyndalǵanyn jazdyq.