Energetıka mınıstriligi esepterdiń bárin elektrondyq júıege aýystyrady

NUR-SULTAN. QazAqparat – Munaı jáne munaı ónimderin jetkizý jospary men kestesi avtomattandyrylǵan júıege kóshýi múmkin. Bul týraly Energetıka vıtse-mınıstri Janat Jahmetova ortalyq kommýnıkatsııalar qyzmetinde aıtty, dep habarlaıdy QazAqparat tilshisi.

«Jer qoınaýyn paıdalanýdy basqarýdyń biryńǵaı memlekettik júıesi arqyly munaı jáne munaı ónimderin jetkizý jospary men kestesin avtomattandyrý, lıtsenzııalyq-kelisimsharttyq sharttar mindettemeleriniń oryndalýyn odan ári monıtorıngileý, eseptilikti elektrondyq formatqa tolyq kóshirý josparlanyp otyr», - dedi Janat Jahmetova.

Mınıstrlik ókili atalmysh júıe 2014 jyldan bastap jumys isteıtinin eske saldy.

Jer qoınaýyn paıdalanýshylar esepti osy júıe arqyly berip keledi. Búginde júıede 147 jer qoınaýyn paıdalanýshy tirkelgen.