Energetıka mınıstri Jańaózendegi jaǵdaı týraly: Óz jaýapkershiligimdi túsinip otyrmyn
«Bul joly men Jańaózende bolǵan joqpyn. Biraq buǵan deıin Jańaózende birneshe ret bolǵanmyn. Keshe vıtse-mınıstr dereý sol jaqqa attandy. Ol sol jerde kezdesýler ótkizip, zaýyt basshylyǵymen, jeli ıelerimen jumys istep jatyr. Men óz jaýapkershiligimdi sezinemin. Ondaı jaýapkershilikti sezinbeseme, Energetıka mınıstri retinde qalaı jumys isteı alamyn? Aqparattyq-túsindirý jumystary qajetti deńgeıde júrgizilmegen shyǵar» - dedi mınıstr.
Sondaı-aq ol suıytylǵan gaz baǵasyn eltektrondy saýda alańyna shyǵarý reformasy 2018 jyly bastalǵanyn, birtindep yryqtandyrý úsh jyl kóleminde júrgenin atap ótti.
«Men bul mınıstrlikti basqarǵanyma 3,5 aı bolsa da, ózimniń jaýapkershiligimdi tolyqtaı túsinip otyrmyn», - dedi vedomstvo basshysy.
Brıfıng barysynda QR Energetıka mınıstri Maǵzum Myrzaǵalıev Mańǵystaý oblysyndaǵy janarmaı stansalary usynǵan baǵa gaz naryǵynda qashanǵa deıin saqtalýy múmkin ekeni týraly pikir bildirdi.
Buǵan deıin Mańǵystaý oblysyndaǵy jaǵdaıǵa baılanysty Aqtaý qalasyna QR Premer-Mınıstriniń orynbasary Eraly Toǵjanov bastaǵan Úkimettik komıssııa baratynyn jazǵan bolatynbyz.
