Energetıka mınıstri: Úlken kentiniń turǵyndary AES ornyn tańdaýǵa ǵana kelisim berdi

ASTANA. QazAqparat – Parlament palatalarynyń birlesken otyrysy aldynda Energetıka mınıstri Almasadam Sátqalıev Úlken kentindegi qoǵamdyq tyńdaýdyń AES salý máselesinde qandaı ról atqaratynyn aıtty, dep habarlaıdy QazAqparat tilshisi.

«BAQ-ta aqparatty burmalap berý baıqalyp otyr. Úlken kentinde bolǵan qoǵamdyq tyńdaýdyń sheshimi aqyrǵy ekeni, turǵyndar AES salý jóninde sheshim shyǵarǵany aıtylyp jatyr. Men taǵy bir ret túsindirý kerek dep oılaımyn. Úlken kenti turǵyndarynyń pikirin qurmetteımiz. Olardyń pikiri - Qazaqstan azamattarynyń oıyn bildiretini sózsiz. Olar nysan salynatyn oryndy tańdaýǵa kelisim berdi. ıAǵnı, áli AES salý jóninde sóz bolyp jatqan joq», - dedi mınıstr.

Sondaı-aq, vedomstvo basshysy AES salý máselesine qatysty protsedýralar endi ǵana bastalǵanyn eske saldy.

«Ol úshin halyqaralyq talaptarǵa baılanysty tutas bir protsedýralar keshenin atqarý kerek. Onyń ishinde halyqaralyq agenttik talaptary, Qazaqstan zańnamasyna sáıkes protsedýralar bar. Olar endi ǵana bastalyp jatyr», - dedi Almasadam Sátqalıev.