Energetıka mınıstri «Taza kómir» jobasynyń mánin túsindirdi

ASTANA. QazAqparat – Qazaqstan eldegi kómir qoryn energetıka salasyna tıimdi paıdalaný úshin «Taza kómir» jobasyn qolǵa almaqshy. Energetıka mınıstri Bolat Aqsholaqov Úkimet kýlýarynda atalǵanjobanyń mánin túsindirdi, dep habarlaıdy QazAqparat tilshisi.

Bolat Aqsholaqovtyń málimetinshe, «Taza kómir» jobasy kómir esportynyń kólemine áser etpeýi kerek. Óıtkeni joba kómirdi barynsha qaldyqsyz tutynýǵa baǵyttalǵan.

«Elimiz kómirge baı. Ol ózińizge de anyq másele. Jalpy kómirdi qalaı barynsha qaýipsiz, ekologııaǵa áserin azaıtyp paıdalanýǵa bolatynyn álem boıynsha zerttep jatyr. Munyń biri – kúldi azaıtý. Qazirgi tańda óndirip jatqan kezde kómir kúliniń úlesi 47-den 50 paıyzǵa deıin jetedi. Sony 3 paıyz nemese odan da azaıtyp, stansalarǵa paıdalanýǵa bolady. Ekinshi joly – kómir jaǵýdyń jańa tehnologııalary. Mysaly, arnaıy kaltsıtter, arnaıy hımııalyq qospalar bar. ıAǵnı, qorshaǵan ortany eń kóp lastaıtyn «SO2» (kómirqyshqyl gazy – red.) sııaqty hımııalyq qosylystardyń bárin ustaıtyn tehnologııalar bar», - dedi mınıstr.

Degenmen, mınıstrdiń sózine qaraǵanda, bul tehnologııalar eksperımentaldyq deńgeıde ǵana jumys istep tur. Al ındýstrııaldyq deńgeıde paıdalaný úshin tehnologııany damyta túsý kerek.

BAQ ókilderi mınıstrden «Taza kómir» jobasyn kim usynyp otyrǵanyn surady.

«Bul mınıstrliktiń usynysy ma, álde kómir salasynyń monopolısteri usynyp otyr ma?» dedi jýrnalıst.

«Joq. Birinshiden, kómir - bizde ejelden damyǵan úlken salanyń biri. Ekinshiden, bul bir kompanııaǵa baılanyp turǵan joq. Tehnologııa retinde ony bolashaqta paıdalanýǵa bolady. Muny bizdiń mınıstrlik basqa mekemelermen birge qarastyryp jatyr. Basqa sózben aıtqanda, qazir «Kómir jaǵýǵa bolmaıdy. Bul ekologııaǵa úlken zııan» degen áńgimeler aıtylyp jatyr. Biraq, qalaı bolsa da, ol bizge Allanyń bergen baılyǵy. Ony muqııat qarap, qoldaný joldaryn izdestirý kerek», - dedi Bolat Aqsholaqov.